Krans-Montana: Nuk plotësohen kushtet për paraburgimin e pronarëve të “Le Constellation”

Foto: ALBINFO

Prokuroria Publike e Valais-it njoftoi të dielën se aktualisht nuk plotësohen kriteret për paraburgimin e çiftit që menaxhon barin “Le Constellation” në Crans-Montana, dy ditë pas aktakuzës kundër tyre.

Sipas prokurores Beatrice Pilloud, nuk ka dyshime se të pandehurit mund të shmangen nga procedurat penale ose dënimi i pritshëm duke u larguar. Gjithashtu, rreziku i përsëritjes së krimit ose bashkëpunimi për të fshehur prova nuk po merret parasysh, transmeton albinfo.ch.

Çifti akuzohet për vrasje nga neglizhenca, dëmtime trupore nga neglizhenca dhe zjarrvënie nga neglizhenca. Kujtohet se derisa të shpallet një dënim përfundimtar, vazhdon të vlejë parimi i pafajësisë.