“Krahët e punëtorëve” në garë për “Oscars 2025” për Dokumentarin më të Mirë të Shkurtër

Foto FB: Qendra Kinematografike e Kosoves

Qendra Kinematografike e Kosovës ka njoftuar se “Krahët e Punëtorëve” nga Kosova është zyrtarisht në garë për Dokumentarin më të Mirë të Shkurtër në Oscars 2025.

Sipas njoftimit, filmi është zyrtarisht në garë për t’u përzgjedhur në listën e ngushtë për këtë ceremoni.

“’KRAHËT E PUNËTORËVE’ nga Kosova në garën drejtë Oscars 2025 për Dokumentarin më të Mirë të Shkurtër. Filmi ynë është zyrtarisht në garë për t’u përzgjedhur në listën e ngushtë për Oscars 2025. Realizuar nga një rreth i vogël njerëzish me zemër të madhe dhe me shumë pasion për të sjellë në ekran rrëfimet e punëtorëve të Kosovës. Shpresojmë që ky pasion përçohet përmes filmit dhe që ky rrëfim të hyjë në listën e ngushtë të Oscars për të prekur edhe më shumë zemra”, thuhet në njoftim, transmeton albinfo.ch.