Kosovë: Spitali i Pejës me apel për kujdes me ushqimin gjatë Bajramit

Spitali i Përgjithshëm i Pejës ka bërë thirrje për kujdes të shtuar në ushqyerje gjatë festës së Bajramit, duke nxjerrë në pah rëndësinë e balancës ushqimore edhe në periudha festive.

Në një njoftim të publikuar në faqen zyrtare në Facebook, spitali ka rikujtuar qytetarët se tryezat e Bajramit shpesh janë të pasura, por konsumimi i tepërt i ushqimeve mund të ndikojë negativisht në shëndet.

Mes rekomandimeve kryesore, spitali sugjeron shmangien e porcioneve të mëdha, kufizimin e ëmbëlsirave dhe ushqimeve të yndyrshme, si dhe konsumimin e mjaftueshëm të ujit gjatë ditës. Po ashtu, theksohet rëndësia e mbajtjes së aktivitetit fizik edhe gjatë festave.

Ky apel vjen si një kujtesë për gjithë qytetarët e Kosovës, por sidomos për diasporën që do të kthehet për të festuar me familjet e tyre, që të ruajnë shëndetin dhe të shijojnë festën pa tepruar me ushqimin.