Lajme
Kosovë: 75 mijë punëtorë humbën vendet e punës
Mbi 75 mijë punëtorë në Kosovë e kanë humbur punën për shkak të pandemisë Covid-19.
Këto shifra i ka bërë të ditura Sindikata e Pavarur e Sektorit Privat, ku është kalkuluar edhe humbja e vendeve të punës së punëtorëve pa kontrata, raporton Koha, përcjell Albinfo.ch
Kryetari i Sindikatës, Jusuf Azemi, ka thënë se të dhënat i kanë mbledhur përmes qendrave të tyre nëpër rajonet e Kosovës, derisa paralajmëron se ato mund të rriten.
“Kemi të dhëna pothuajse të sakta dhe këto të dhëna i kemi përcjellë që nga muaji qershor i këtij viti dhe deri më tani ka kaluar shifrën mbi 75 mijë punëtorë të larguar nga puna e që me fundin e këtij viti do ta kalojë shifrën mbi 100 mijë punëtorë. Të dhënat tona janë të sakta, sepse ne kemi edhe të dhëna nga punëtorët, të cilët nuk kanë pasur fare kontratë punë dhe nëse i dëgjon organizatat e tjera, ato thonë se është një shifër 3-40 mijë punëtorë, por e keqja është që në fakt një pjesë dërrmuese e kemi pasur punëtorë pa kontrata pune”, ka thënë Azemi.
Por në Administratën Tatimore të Kosovës kanë thënë se nuk kanë shifra se sa vende pune janë humbur që prejse është shfaqur pandemia, porse përgjatë kësaj periudhe mbi 70 biznese janë shuar.
“Që nga muaji mars e deri në fund të muajit tetor janë çregjistruar 73 biznese, ka edhe të tjera të cilat janë në proces të çregjistrimit, mirëpo në bazë të dispozitave ligjore duhet të plotësohen disa kritere për t’u lëshuar certifikata e çregjistrimit”, thuhet në përgjigjen e Administratës Tatimore e Kosovës.
KOHA ka pyetur edhe Fondin e Kursimeve Pensionale të Kosovës se sa ka rënë numri i kontributdhënësve gjatë këtyre muajve të pandemisë, por ata nuk kanë kthyer përgjigje.
Stimulimi financiar për qytetarët dhe ekonominë në vend pritet të bëhet përmes Projektligjit për rimëkëmbjen ekonomike, por ai ende nuk ka kaluar në Kuvend edhe pse për më shumë se tre muaj ky projektligj është miratuar në Qeveri.
Projektligji për rimëkëmbjen ekonomike pritet të dalë në seancë këtë të premte.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?