Kosovarja kërcen nga treni në lëvizje dhe shpëton

Një grua 44 vjeçare nga Kosova sipas dëshmitarëve në një stacion hekurudhor të Munihut, Gjermani  ka kërcyer nga një tren që tashmë ishte në lëvizje. Me këtë rast ajo ka pësuar lëndime në kokë. Policia është duke hetuar motivet që e kanë shtyrë gruan të marrë këtë veprim të rrezikshëm.  

Kjo ka ndodhur pak pas orës 6, derisa treni EuroNight (EN) 462 që ishte në rrugë nga Salzburgu në Munih kishte pasur një ndalesë në stacionin lindor të Munihut.

Dëshmitarët kanë thënë se gruaja 44 vjeçare ka kërcyer nga treni që po lëvizte, së bashku me bashkëshortin dhe tre fëmijët. Gruaja ka rënë me kokë në peronin 6 me ç`rast ka pësuar një plagë në kokë dhe gërvishtje të lehta.

Sipas hetimeve të para, dyert e trenit ishin të mbyllura dhe treni ishte nisur. Supozohet se gruaja ose bashkëshorti i saj kanë provuar të zbresin në momentin e fundit në stacionin lindor të Munihut. Meqë siguresat e derës së trenit ishin të hequra, hetimet e policisë federale të Gjermanisë janë përqendruar për të kuptuar nëse bashkëshortët i kanë hequr ato dhe nëse ata vetë e kanë shkaktuar aksidentin.