Kosovari pa letra po “shëtiste” nëpër tunel: Bllokohet autostrada!

Hyrja jugore e një tuneli në njërën nga autostradat e Austrisë është dashur të mbahej e bllokuar për rreth 20 minuta! Kjo ka ndodhur dje (e hënë) paradite për faj të një këmbësori kosovar që kishte guxuar të “shëtiste” nëpër tunel, diçka që ndodh tepër rrallë.

Një shofer automobili e kishte alarmuar policinë për atë që kishte parë në tunel.

Kosovari 31 vjeçar është kapur nga policia dhe ka shpëtuar pa lëndime, shkruan orf.at. Por, duket se ai nuk do t`i shpëtojë dënimit, transmeton albinfo.ch. Ai është arrestuar për faktin se po qëndronte në Austri në mënyrë ilegale. Policët e kishin zënë derisa ai po përpiqej të fshihej në kabinën për telefonime emergjente në tunel.