Kosova ndan 1,7 milionë euro për punonjësit shëndetësorë

(KEYSTONE/Jean-Christophe Bott)

Qeveria e Kosovës do të ndajë rreth 1,7 milionë euro për punonjësit e sistemit shëndetësor në vend.

Vendimi për ndarjen e këtij fondi u miratua këtë të hënë pas një mbledhjeje qeverie që u zhvillua online.

Ky fond do të shkojë për pagat e 1,271 punonjësve shëndetësorë dhe stafin mbështetës, lidhur me menaxhimin e situatës me COVID-19, për periudhën 15 mars – 15 qershor 2022.

Në 24 orët e fundit Kosova ka regjistruar 5 raste të reja me Covid-19 dhe asnjë humbje jete. Deri më tani, në Kosovë janë kryer 102.721 doza përforcuese dhe doza të treta të vaksinës kundër COVID-19.