Kosova model për tolerancë fetare dhe paqësore në botë

Imami Labinot Maliqi, sot ka mbajtur një ligjëratë në “Lagjen e Spitalit” në Prishtinë mbi luftën kundër terrorizimit dhe sulmin e fundit që është bërë në Zelandën e Re, kur një terrorist vrau 50 persona të cilin ishin duke u lutur në xhami.

“Sulmin në fjalë e ka kryer një terrorist, një kriminel, një ekstremist i nxitur nga islamofobia të cilit ne nuk do të ia përmendim as emrin, e as fenë e tij”, tha ai.

Sipas tij udhëheqësit perëndimor duhet të mësojnë nga guximi dhe sinqeriteti i kryeministres së Zelandës së Re, dhe të përqafojnë myslimanët që jetojnë në vendet e tyre. Ai vlerësoi se veprimet e kryeministrja e Zelandës së Re, Jacinda Ardern duhet të admirohen nga të gjithë liderët e botes. Ajo tregoi një guxim dhe kundër urrejtjes. Ajo menjëherë e përshkroi ngjarjen si akt terrorist, ajo fitoi respektin e miliona njerëzve të botës”, tha ai, shkruan rtk, përcjell albinfo.ch

Imami labinot Maliqi, vlerësoi se aktet terroriste synojnë frikësimin e një grupi tjetër.  “Ne nuk kemi ardhur në këtë botë për të mbjellë frikë, por për të sjell paqe, harmoni e drejtësi, e dashuri për njëri tjetrin”, tha ai. Maliqi tha se bota sot ka nevojë për më shumë paqe. “Ne do të japim kontributin për paqe”, tha ai.

Ai ka ftuar institucionet e Kosovës që të dënojnë islamofobinë. “Injorimi i islamofobisë në vendin tonë, mund të krijojë terren si në Zelandën  e re. I bëj thirre qeverisë së Kosovës, që sa më parë të dënohet islamofobia”, tha ai.

Maliqi ka ftuar të ndryshohet udhëzimi i MASHT-it që ndalon mbulesën e vajzave. “Kosova ka liri të madhe të besimit e tolerancës. Autoritetet e Kosovës kanë mbajtur aktivitete të ndryshme që kanë qëllim rritjen e tolerancës dhe bashkëjetesës paqësore. Populli i Kosovës, ka tolerancë, Kosova mund të meret si model për tolerancë fetare e paqësore në botë”, tha ai.