Kosova drejt zgjedhjeve të jashtëzakonshme, Osmani thërret partitë për caktimin e datës

Presidentja e Kosovës, Vjosa Osmani, ka ftuar partitë parlamentare për një takim konsultativ mbi caktimin e datës së zgjedhjeve të jashtëzakonshme. Takimi do të mbahet më nesër 20 nëntor në orën 10:30.

Pjesëmarrjen e kanë konfirmuar deri më tani LDK-ja, me kryetarin Lumir Abdixhiku, dhe Nisma Socialdemokrate, ndërsa burime brenda PDK-së kanë bërë të ditur për klankosova se edhe kjo parti do të marrë pjesë.

Ky zhvillim vjen pas dështimit të përpjekjes së Glauk Konjufcës, i mandatuari nga LVV-ja për formimin e qeverisë, për të siguruar shumicën prej 61 votash në Parlament, duke marrë vetëm 56 vota, po aq sa kishte marrë edhe Albin Kurti.

Me këtë situatë, vendi po përgatitet për një raund të ri politik dhe zgjedhor, ndërsa partitë pritet të diskutojnë datën e zgjedhjeve të jashtëzakonshme gjatë takimit të nesërm.