Knaus: Gjermania e Franca po përgatiten ta bllokojnë anëtarësimin e Kosovës në KiE

Së fundmi, Gerald Knaus, kryetar i Iniciativës Evropiane për Stabilitet (ESI), ka thënë se disa shtete po përpiqen ta bllokojnë votimin për anëtarësimin e Kosovës në Këshillin e Evropës, që pritet të bëhet në maj, përcjell albinfo.ch.

In Berlin, the morning of 25 April 2024 @BertelsmannSt 🇽🇰 Prime minister @albinkurti explained his determination to push for same-sex civil unions in the context of accession to @coe:

“we are strongly committed to the human rights of all minorities in Kosovo. We will therefore… https://t.co/xkV2gDAeIZ pic.twitter.com/3REZcCBz4U

— Gerald Knaus (@rumeliobserver) May 4, 2024

Sipas tij, dy nga këto shtete janë edhe Gjermania e Franca.

“Megjithatë, në këtë moment disa qeveri anëtare të Këshillit të Evropës, përfshirë Gjermaninë dhe Francën, po përgatiten të bllokojnë votimin për pranimin e Kosovës në maj, duke injoruar rekomandimin e fortë të Asamblesë së saj Parlamentare në prill”, ka shkruar ai në platformën X.

Knaus ka theksuar se kjo pason nga fushata e presidentit serb, Aleksandër Vuçiq, përfshirë apelin që ia ka drejtuar presidentit francez që ta pengojë votimin.

“Në përvjetorin e 75-të, Këshilli i Evropës është i ndarë në një çështje kyçe: a kanë vlerë vlerësimet ligjore dhe votat në Asamblenë Parlamentare? A është anëtarësimi për merita apo thjesht vetëm politik?”, ka shkruar tutje.

Si kusht për anëtarësimin në KiE ishte përmendur themelimi i Asociacionit të komunave me shumicë serbe, por në Asamblenë Parlamentare nga shumica e përfaqësuesve ishte kërkuar që anëtarësimi të mos ndërlidhej me dialogun me Serbinë.