Klaidi, violinisti shqiptar me famë botërore që jeton në Cyrih

Violinisti shqiptar që ka mahnitur publikun në mbarë botën

Klaidi Sahatçi, violinisti shqiptar me famë botërore, që nga viti 2001 jeton në Meilen të Kantonit të Cyrihut, përcjell albinfo.ch.

Në fakt, ai është koncertmaestri (violinist) i parë i Orkestrës Tonhalle të Zyrihut dhe është gjithashtu profesor i njohur muzike në Zvicrën italiane. Klaidi ka një karrierë të pasur e të suksesshme në skenat ndërkombëtare të Europës dhe Botës, transmeton albinfo.ch.

Vlen të theksohet se ky artist ka luajtur në duo dhe në formacione në sallat muzikore më prestigjioze në botë, duke përfshirë në Milano, Paris, Zvicër, Vjenë, Lion e Budapest. Njëkohësisht, ai ka luajtur si solist me Orkestrën Nacionale të Lionit, Orkestrën e Zvicrës Italiane në Lugano, Orkestrën e RAI-t, Radio Televizionit Italian, Tonhalle Zurich, Cameristi della Scala, Solistes Europeens de Louxembourg etj. /Albinfo.ch

 

---