Kishte paguar 15 mijë euro për pasaportën greke: Dënohet kosovari

34-vjeçari është shpallur fajtor për falsifikim të shumëfishtë, falsifikim të kartave të identitetit, mashtrimin e autoriteteve dhe shumë hyrje ilegale në Zvicër

Një shtetas kosovar është dënuar në Zvicër pasi kishte mashtruar autoritet për leje qëndrimi dhe leje pune. Ai gjithashtu kishte dokumente false, shkruan ‘aargauerzeitung.ch’, përcjell albinfo.ch.

 

Ai kishte akuza të shumta si ajo e falsifikimi i shumëfishtë, falsifikim i shumtë i kartave të identitetit, qëndrimit të paligjshëm.

 

Në mars të vitit 2015, i akuzuari kishte udhëtuar me një pasaportë të falsifikuar greke në Zvicër. Ai ishte në Kantonin e Cyrihut, derisa kishte paraqitur një kartë identiteti false.

 

Autoritetet duket se nuk e kishin vënë se dokumentet ishin të falsifikuara dhe i kishin dhënë leje qëndrimi.

 

Ai kishte punuar në rajonin Zofingen, megjithatë, gjithçka ishte zbuluar në maj të këtij viti, kur pas një kontrolli të identitetit nga ana e policisë u zbulua se ka kishte falsifikuar dokumentet. Ai i kishte thotë kolegut të tij se është shqiptar, kurse në dokumente figuronte si grek. Më pas ai u arrestua.

 

Ai kishte falsifikuar të gjitha dokumentet si, pasaportën, letërnjoftimin, si dhe patentë shoferin, dhe për këto kishte paguar 15 mijë euro.

 

“Unë vetëm kam kërkuar që të fitojë para që të mbështes familjen time në Kosovë”, ka thënë ai. Megjithatë, në vitin 2009 kishte qëndruar në Zvicër, por ishte dëbuar, pasi ishte zënë me kartën e identitetit të vëllait të tij.

 

Ai ishte dënuar për hyrje të paligjshme, qëndrim ilegal dhe falsifikim të kartave të identitetit. Në maj të vitit 2009 ishte deportuar.

 

Gjykata e Qarkut e liroi kosovarin nga akuzat e qëndrimit të paligjshëm, dhe për punë jo të autorizuar.

 

Por, 34-vjeçari është shpallur fajtor për falsifikim të shumëfishtë, falsifikim të kartave të identitetit, mashtrimin e autoriteteve dhe shumë hyrje ilegale në Zvicër.

 

Gjykata e ka dënuar atë me burgim të kushtëzuar prej 18 muajsh, ku shtatë i akuzuari duhet t’i shërbejë.

 

---