Kiev: Shkon në 15 numri i të vdekurve, Zelensky bën thirrje për sisteme të mbrojtjes ajrore

Keystone (AP Photo/Efrem Lukatsky)

Të paktën 15 persona kanë humbur jetën dhe më shumë se 30 të tjerë janë plagosur si pasojë e një vale sulmesh ruse me raketa, gjatë orëve të para të mëngjesit të sotëm në Kiev dhe në rajonin përreth.

Shërbimi Shtetëror i Emergjencave të Ukrainës ka njoftuar se blloqe banimi dhe magazina janë goditur në të gjithë qytetin gjatë natës teksa edhe një spital për fëmijë dhe një shkollë janë dëmtuar, kanë njoftuar autoritetet vendase.

Presidenti ukrainas, Volodymyr Zelensky, ka thënë se vdekjet erdhën si pasojë e mungesës së raketave të mbrojtjes ajrore, furnizime të cilat Kievi zyrtar i siguron nga aleatët perëndimorë teksa për BBC News, kryetari i bashkisë në Kiev, Vitali Klitschko, ka thënë se Ukraina ka nevojë për municione dhe sisteme kundër-raketore, transmeton albinfo.ch.