Bota
Kaq ka fituar presidenti amerikan, Joe Biden në vitin 2021
Publikimi i deklaratave tatimore është pjesë e politikës amerikane për Presidentin dhe politikanë të tjerë të rangut të lartë
Presidenti amerikan Joe Biden dhe gruaja e tij Jill kanë fituar 610,000 dollarë (565,000 €) vitin e kaluar. Kjo del nga deklarimi tatimor i Bidenit për vitin 2021, të cilin Shtëpia e Bardhë e ka publikuar në mënyrë rutinore të premten, transmeton albinfo.ch.
Çifti gjatë periudhës së njejtë ka paguar rreth 184,000 dollarë taksa, shkruajnë agjencitë e lajmneve dpa dhe sda.
Qendra qeveritare theksoi se Biden deri më sot ka bërë publike vjet deklarata tatimore përgjatë 24 viteve të fundit.
Publikimi i deklaratave tatimore është pjesë e politikës amerikane për Presidentin dhe politikanë të tjerë të rangut të lartë.
Por, paraardhësi i Bidenit, Donald Trump, kishte refuzuar gjithmonë të ndiqte këtë traditë si president.
Trump ka qenë prej kohësh i përfshirë në procese gjyqësore rreth të dhënave të tij financiare dhe tatimore, dhe ai po bën përpjekje të mëdha dhe në mënyra të ndryshme për të parandaluar zbulimin e dokumenteve, përcjell albinfo.ch. Në vitin 2020, në mes të fushatës zgjedhore presidenciale në atë kohë, “New York Times” kishte raportuar se republikani nuk kishte paguar pothuajse asnjë taksë prej vitesh. Trump e kishte mohuar këtë.
Sipas Shtëpisë së Bardhë, Zëvendëspresidentja e SHBA Kamala Harris dhe bashkëshorti i saj, Doug Emhoff, kanë raportuar të ardhura prej rreth 1.66 milionë dollarë (1.54 milionë euro) për vitin 2021, për të cilat ata kanë paguar rreth 700,000 dollarë taksa.
“New York Times” ka shkruar të premten se të ardhurat nga shitja e një prone dhe nga kujtimet e Kamala Harris kanë kontribuar në të ardhurat e të dyve, transmeton albinfo.ch. Në vitin 2019, të dy kishin të ardhura totale prej gati 3.3 milionë dollarësh. Harris ishte senatore në atë kohë dhe Emhoff kishte një punë fitimprurëse si avokat.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?