Kancelarja Merkel paralajmëron valën e dytë të pandemisë

Screenshot Videokonferenz

Kancelarja Angela Merkel paralajmëroi për mundësinë e një vale të dytë të pandemisë nga koronavirusi në Gjermani, e cila do të shkaktonte një pengesë në lehtësimin e masave kufizuese.

“Frankfurter Allgemeine Zeitung” shkruan se Merkel ka pranuar se ekonomia gjermane po pëson “një kolaps të madh” për shkak të krizës së shkaktuar nga Covid-19.

Lidhur me masat e marra nga qeveria federale për ta kontrolluar krizën, Merkel tha: Unë nuk jam e sigurt nëse ne kemi bashkuar shpresën dhe realitetin.

Në fund, ajo shtoi se “duhet të jemi shumë të kujdesshëm për të mos përkeqësuar situatën tashmë të vështirë ekonomike”, paralajmëroi kancelarja gjermane, përcjell albinfo.ch.