Lajme
Kancelari Scholz u përgjigjet kritikëve për fluturimin e tij pa maskë
A e injoruan Olaf Scholz dhe Robert Habeck detyrimin e maskës në fluturimin e tyre për në Kanada? Pikante është se pikërisht sot qeveria vendos për rregulla më të rrepta të maskave për qytetarët
Kancelari Olaf Scholz nuk sheh asgjë të keqe në kontekst të fluturimit të tij për në Kanada, pas kritikave të përhapura për mosmbajtjen nga ana e tij e maskës kundër koronës, transmeton albinfo.ch. Në një konferencë shtypi gjatë vizitës së tij shtetërore në provincën lindore kanadeze të Newfoundland, Scholz iu referua “rregullave të qarta” që vlejnë për fluturimet qeveritare.
Ai theksoi se ka rregullore të qarta sa i përket gatishmërisë për fluturim, shkruan dpa.de. Sipas qeverisë, të gjithë pasagjerët kishin bërë testin PCR para fluturimit, gjatë të cilit, përveç Scholz, edhe zëvendëskancelari Robert Habeck dhe disa gazetarë në bord nuk mbanin maska gjatë bashkëbisedimit të tyre.
Një zëdhënës më pas njoftoi se nuk kishte detyrim për vënie maske në fluturimet e Forcave Ajrore, sepse testimi tashmë siguronte një “nivel të lartë mbrojtjeje”.
Sipas ligjit gjerman, megjithatë, mbajtja e maskës në avion – si dhe në trenat në distanca të gjata – është e detyrueshme, përcjell albinfo.ch. Edhe testet nuk mund të lirojnë askë nga rregullorja. Kabineti planifikon të nisë rregullat e reja të koronës për vjeshtë të mërkurën. Qeveria vazhdon të parashikojë detyrimin për maskë në aeroplanë.
Risitë e planifikuara bazohen në një draft nga ministri Federal i Shëndetësisë, Karl Lauterbach, dhe ministri Federal i Drejtësisë, Marco Buschmann, nga fillimi i gushtit.
E-Diaspora
-
Gjermani
Mynih: Një recital i shkëlqyeshëm piano nga Kosti Deti Kosti Deti shkëlqen me paraqitjen e tij në “National Theatre of Munich Philharmonic” ...
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte