Ka shitur drogë me vlerë 500 mijë euro: Kapet banda me dy krerët shqiptarë

Zyrtarët e ndjekjes konstatuan se dy shqiptarë nga Kosova: njëri 47 dhe tjetri 36 vjeçarë janë krerët e bandës. Ata janë kujdesur për të bërë sigurimin e drogës dhe për logjistikën e rrjetit të tregtisë me drogë.

Policia e landit të Austrisë së Epërme (Oberosterreich) kanë shkatërruar një bandë droge, me ç`rast kanë arrestuar 13 persona. Ata kanë shitur në Salzburg  30 kg. marihuanë, 25 kg. Hashash dhe 700 gramë kokainë, të gjitha këto me vlerë prej 500 mijë eurosh.

Hetimet kishin filluar në muajin maj me rastin e një kontrollimi në stacionin hekurudhor në Vöcklabruuck, shkruan nachtrichten.at. duke iu referuar prononcimit të zëdhënësit të policisë. Fillimisht kishin qenë dy azilkërkues maroken dhe një rumune, te të cilët ishin gjetur 350 gramë marihuanë dhe 100 gramë hashash.

Këtu ka filluar zbulimi i bandës që kontrollonte tregtinë  me drogë, transmeton albinfo.ch. Zyrtarët e ndjekjes konstatuan se dy shqiptarë nga Kosova: njëri 47 dhe tjetri 36 vjeçarë janë krerët e bandës. Ata janë kujdesur për të bërë sigurimin e drogës dhe për logjistikën e rrjetit të tregtisë me drogë.

Pjesëtarët e bandës e kanë kontrabanduar drogën me automjete nga Gjermania Holanda, Çekia dhe Shqipëria për në Salzburg, Austri. Këtu ata e kanë vendosur drogën në të ashtuquajturat “banesa -bunker”, ku e kanë përpunuar, depozituar dhe pastaj ua kanë ndarë dilerëve për ta shitur nëpër qytet, përcjell albinfo.ch. Shumat e fituara ditore që ishin nga disa mijëra euro, u janë dhënë në dorëzim shefave të bandës.

Me rastin e bastisjeve të bëra në Salzburg, policët kanë gjetur 162 tableta Ecstasy, disa telefpona celularë dhe një pistoletë të mbushur si dhe dy automobila të përdorur gjatë kryerjes së tregtisë me drogë.

Në paraburgim në Linz, Wels dhe Garsten ndodhen 13 persona: sirianë, marokenë, shqiptar dhe çeçenë.