Lajme
Itali: Faturat e rrymës e gazit do të rriten nga 25-50%
Pa ndërhyrjen e qeverisë, faturat e gazit do të rriten me 50% nga 1 janari, faturat e energjisë elektrike me të paktën 17%, por ndoshta me 25%, është parashikimi nga Davide Tabarelli, president i kompanisë së njohur konsulente italiane ”Nomisma Energia”.
”Tarifat e gazit vendosen çdo tremujor nga ARERA, në bazë të çmimeve ndërkombëtare”, shpjegon Tabarelli.
”Por, këta, pasi heshtën për 10 vjet, në mesin e vitit 2021 u çmendën dhe tashmë janë jashtë kontrollit. Në tremujorin tetor-dhjetor, tarifa ARERA është 0,95 euro për metër kub. Por, duke pasur parasysh trendin e tregjeve ndërkombëtare, pa ndërhyrjen e shtetit për të qetësuar, në tremujorin janar-mars 2022 do të arrijë në 1,4 euro. E njëjta gjë vlen edhe për faturën e energjisë elektrike, e cila varet drejtpërdrejt nga çmimi i metanit, duke qenë se një pjesë e mirë e energjisë elektrike prodhohet nga impiantet e gazit”, shton Tabarelli, raporton Ansa, përcjell Albinfo.ch.
”Që nga 1 tetori kemi pasur një rritje të pabesueshme prej 30%, kur zakonisht rritjet ishin 1%. Sot në tregjet spot energjia elektrike kushton nga 250 euro për megavat orë në gati 300 (në të kaluarën dukej shumë kur kushtonte 40-50 euro). Pa një ndërhyrje të shtetit, rritja e faturës së energjisë elektrike më 1 janar do të ishte nga 17 në 25%”, theksoi ai.
Shkaqet e gazit të shtrenjtë për Tabarellin janë të shumta.
“E para është se rezervat janë të ulëta, sepse Rusia dërgon më pak gaz në Evropë. E dyta ishte rikuperimi i prodhimit pas pandemisë. Kina ka rritur kërkesën për gaz për të dalë nga qymyri, kompanitë e energjisë investojnë më shumë në burime të rinovueshme dhe më pak në fosile, por kërkesa për gaz nuk ulet. Era dhe energjia hidroelektrike në disa vende kanë reduktuar prodhimin për shkak të kushteve atmosferike. Më në fund, tregjet janë në duart e spekulimeve dhe politikanët nuk dinë se ku të shohin”, përfundon Tabarelli.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik