Lajme
Infektologu kosovar: Java e ardhshme do të jetë piku i COVID19
Lidhur me situatën aktuale rreth pandemisë Covid-19 ka folur Dr. Zenel Shatri, infektolog.
Ai përmes një lidhjeje direkte u është përgjigjur qytetarëve, një projekt ky i ri i Spitalit të Pejës “Direkt me Doktorin”.
Shatri duke folur për zanafillën e virusit korona, ka thënë se ai ekziston që nga vitet e 60-të, por që në Wuhan vitin e kaluar u shfaq si sëmundje e re që e mori emrin COVID19.
“Tani është një sëmundje e re, ka mendime të ndryshme, por inkubacioni është momenti i hyrjes së virusit në trupin e njeriut e deri te simptomat që janë të pranishme pas një dite, deri në 14, por në disa raste edhe pas 24 ditëve.
Sëmundja mund të kalojë si flamë, e më pas merr edhe forma më të rënda. Simptomat janë me temperaturë, kollë të thatë, ethe, frymarrje të vështirë e lodhje e rraskapitje”, tha ai, përcjell Indeksonline.
Infektologu kosovar tha se nëse zbatohen rekomandimet e IKSHPK-së, pasi që janë marrë edhe masa të mira për mbrojtje, beson që s’do të përsëritet rasti i Italisë.
Ndërsa ai dha mendimin e tij profesional se deri kur pritet të zgjasë kjo pandemi.
“Masat kryesisht janë të qëndruarit në shtëpi, izolimi dhe vetizolimi. Virusi mbetet në tokë, për atë duhet të respektohet largësia.
Në bazë të trendit, piku në Kosovë pritet të jetë në këto dy javë, por prapë është hipotezë se s’dihet me siguri, por qysh është duke ecur, piku mendoj do të jetë në javën e ardhshme sipas ekspertëve këtu.
Saktësisht nuk dihet sa do të zgjasë. Dikund në vendet e Ballkanit, si Shqipëri e Kosovë, ka qenë edhe më përpara se ka pas të sëmurë të tillë, por që piku ende nuk është. Maksimumi i paraqitjes do të jetë java e ardhshmë, deri kah gjysma e prillit.
Se si do të shkojë varet nga ne. Nëse u përmbahemi këshillave dhe rekomandimeve, atëherë do të dalim më mirë se vendet e tjera”.
Lidhur me situatën aktuale rreth pandemisë Covid-19 përgjigjet live Dr. Zenel Shatri – Infektolog
Publiée par Spitali i Përgjithshëm Pejë sur Lundi 30 mars 2020
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?