Integrimi
Imami shqiptar: “Bartja e burkas është një absurditet dhe nuk është obligim te myslimanët”
Ai thotë se “mbulimi i plotë i gruas nuk është ndonjë detyrim në islam. Për këtë arsye ai nuk është i nevojshëm. Rrjedhimisht, sipas imamit shqiptar ndalimi me ligj i kësaj mbulese nuk përbën ndonjë akt armiqësor ndaj islamit
Votimi më i ri i Parlamentit të Zvicrës me shumicë kundër bartjes së burkas (mbulesë e plotë e grave myslimane) në ambientet publike, ka ngjallur komentime nga më të ndryshmet. Shumica e njerëzve, edhe ndër myslimanët, nuk kanë gjë kundër kësaj ndalese. Një qëndrim të tillë e ka shprehur së fundi edhe kryetari i Bashkësisë Islame Shqiptare të Zvicrës, imami i njohur nga Berna, Mustafë Mehmeti.
Ai në një deklaratë të dhënë gazetës “Aargauer Zeitung” thotë se “mbulimi i plotë i gruas nuk është ndonjë detyrim në islam. Për këtë arsye ai nuk është i nevojshëm, transmeton albinfo.ch gazetën zvicerane. Rrjedhimisht, sipas imamit shqiptar ndalimi me ligj i kësaj mbulese nuk përbën ndonjë akt armiqësor ndaj islamit.
“Është absurde të bartësh burka. Bartja e saj nuk ka arsyetim teologjik dhe nuk bën pjesë ndër obligimet islamike”, thotë Mehmeti. Prandaj, shton ai, ndalesa më e re nuk është shenjë kundër myslimanëve por, ndoshta, kundër atyre ultrakonservativë. Ndërsa ai ka thënë se problematike do të ishte një ndalesë e mbulesës së kokës, shamisë.
Qëndrim të ngjashëm kanë edhe myslimanet liberale. Kështu, kryetarja e Forumit për Islamin Pëparimtar, Saida Keller-Messahli, përshëndet këtë ndalesë, pasi që ajo është një shenjë kundër “akteve neveritëse të islamit politik”. Thjesht, te burka, nuk bëhet fjalë për më shumë se një copë të thjeshtë veshjeje, përcjell albinfo.ch. Aty bëhet fjalë për mizogjeninë e salafistëve”, citohet ajo nga gazeta. Mesahli thotë se ajo vetë e ka përfaqësuar një qëndrim të tillë edhe para se SVP ta bënte iniciativën.
E-Diaspora
-
Rama takohet me emigrantët shqiptarë në Milano më 26 maj Ndalesa e radhës e kryeministrit Edi Rama në kuadër të turit me diasporën do të jetë...
-
Itali, shpallen në kërkim 4 shqiptarë për këto arsye
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun