Imami Mustafë Memeti: “Homoseksualët nuk e fitojnë bekimin e islamit”

“Jo, homoseksualët nuk duhet të vijnë në xhaminë tonë. Një njeri homoseksual nuk fiton legjitimitet prandaj as bekim nga islami”

Foto: srf.ch

Imami i Xhamisë Shqiptare të Bernës dhe kryetari i Bashkësisë Islame të Shqipütarëve të Zvicrës, Mustafë Memeti është bërë një personalitet i njohur për opinionin zviceran me pikëpamjet e tij të hapura lidhur me islamin dhe për kundërshtimin pa ekuivoke që i bën radikalizmit islamik. Si i tillë ai ka fituar një simpati të pakontestueshme në mesin e medieve dhe politikës zvicerane.
Së fundi, vitin e kaluar imami Memeti është zgjedhru “zviceran i vitit” nga gazeta “Sonntagszeitung”.

Sonte në televizionin publik të Zvicrës, srf emetohet një emision mbi Imamin Mustafë Memeti dhe “Shtëpinë e Religjioneve”, të hapur një muaj më parë, shtëpi në të cilën ai drejton xhaminë, transmeton albinfo.ch.

Por, përveç imazhit pozitiv si njeri mendjehapur e tolerant, kësaj here, siç shkruan në portalin e srf.ch autori i meisionit, imamit shqiptar i është bërë një pyetje më e ndjeshme. Duke iu referuar motos së Shtëpisë së Religjioneve dhe xhamisë, si shtëpi e hapur për të gjithë, pyetja e gazetarit ka qenë: a është e hapur xhamia juaj edhe për homoseksualët? Dhe, Mustafë Memeti është përgjitjur negativisht: “jo, homoseksualët nuk duhet të vijnë në xhaminë tonë. Një njeri homoseksual nuk fiton legjitimitet prandaj as bekim nga islami”.

Gazetari i prekur ga kjo përgjigje ka kujtuar rastin e priftit katolik nga komuna Bürglen. Para disa muajsh ai kishte shkaktuar një skandal duke bërë bekimin e një çifti homoseksualësh në kishën e tij. Ky rast kishte shkaktuar një debat të gjerë dhe të ashpër në opinionin zviceran, shkruan albinfo.ch. Prandaj gazetari propozon që një debat i tillë do të ishte i dëshirueshëm edhe në raport me përfaësuesit e religjioneve tjera.

Emisioni në të cilin imami Mustafë Memeti përcillet gjatë një dite të tij të punës, në xhami po edhe në burgjet ku ai shkon për t`u ofruar shërbime fetare të burgosurve, emetohet sonte, duke filluar nga ora 21.40 në srf.