Feja
Imami Fehim Abazi, kryetar i ri i Bashkësisë Shqiptare Islame në Zvicër
Në një prononcim për albinfo.ch, kryetari i ri ka premtuar se prioritet do ta ketë bashkimin në një organizatë të vetme të shqiptarëve myslimanë në Zvicër.
Imami Fehim Abazi nga Llozana është zgjedhur kryetar i ri të dielën në Kuvendin e rregullt të Bashkësisë Shqiptare Islame që u mbajt në Qendrën e Religjioneve në Bernë.
Në praninë e anëtarëve të 16 xhamive me imamët e tyre, të ardhur nga rajone të ndryshme të Zvicrës, si dhe nga 4 xhamitë që këtë herë ishin vetëm vëzhgues, ngase ishin hapur së fundi, është mbajtur Kuvendi i rregullt i Bashkësisë Shqiptare në Zvicër, me ç’rast u zgjodh Kryesia e re. Imami Fehim Abazi nga Llozana është zgjedhur kryetar i Bashkësisë Shqiptare Islame në këtë Kuvend. Ai ka zëvendësuar imamin Mustafë Mehmeti që e kishte udhëhequr deri më tani Bashkësinë Islame Shqiptare.
Në një prononcim për albinfo.ch, kryetari i ri ka premtuar se prioritet do ta ketë bashkimin në një organizatë të vetme të shqiptarëve myslimanë në Zvicër.
“Synimi im primar është që bashkërisht me Kryesinë të punojmë me organizatat e tjera që t’i bashkojmë në një organizatë të vetme myslimane shqiptarët në Zvicër, duke pasur parasysh që janë mbi 80 xhami shqiptare që veprojnë në dy-tri organizata”, tha magjistri i Shkencave Teologjike të përfunduara në Egjipt. Sipas imamit, deri tash ka mbetur gjithçka vetëm në letër.
“Përveç nënshkrimit të deklaratës vitin e kaluar, nuk ka pasur hapa konkretë në përpjekjet për afrimin dhe bashkimin e tyre në një strukturë të vetme”, tha Abazi, duke u zotuar në të njëjtën kohë me rritjen e numrit të xhamive që do të rreshtohen pas Bashkësisë Islame Shqiptare.
«Ne do të jemi më afër xhematit dhe në kontakt të vazhdueshëm me xhamitë dhe imamët e tyre”, tha Abazi, duke falënderuar kryetarin e deritanishëm për punën që ka bërë me Bashkësinë Islame Shqiptare në Zvicër.
Bashkësia Islame Shqiptare në Zvicër nën ombrellën e saj që nga 2012-a përfshin rreth 20 xhami shqiptare nga e tërë Zvicra.
Kryesia e re e përbërë prej 11 anëtarëve me mandat 4 vjecar:
Fehim Abazi – Kryetar i BISHZ
Arben Kokale – Kryetar i Kuvendit
Imran Ameti – anëtar
Bilal Tairi – anëtar
Mustaf Memeti – anëtar
Abdulla Esati – anëtar
Emin Mersini – anëtar
Ferat Jakupi – anëtar
Abdullah Thaqi – anëtar
Basri Veseli – anëtar
Dashmir Abdi – anëtar
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte