Ideja Bajra, shqiptarja që po spikat në fushën e Inteligjencës Artificiale në Britani

Themeluesja e Edvance AI është përzgjedhur mes emrave për çmimin “Stephanie ‘Steve’ Shirley Career Innovator of the Year” në National AI Awards 2026.

Shqiptarja Ideja Bajra, themeluese e Edvance AI, është përfshirë mes profesionistëve të përzgjedhur për një prej kategorive të National AI Awards 2026, duke u bërë një tjetër emër shqiptar që po spikat në një nga fushat më të rëndësishme të teknologjisë, transmeton albinfo.ch.

Bajra është nominuar për çmimin “Stephanie ‘Steve’ Shirley Career Innovator of the Year”, kategori që vlerëson profesionistët në fillimet e karrierës, të cilët po sjellin ide të reja dhe ndikim të matshëm në fushën e Inteligjencës Artificiale.

Rrugëtimi i saj është veçanërisht interesant, pasi nga biologe është kthyer në sipërmarrëse të teknologjisë, duke themeluar Edvance AI dhe duke punuar për të ndryshuar mënyrën se si organizatat e adoptojnë dhe përdorin Inteligjencën Artificiale.

Përfshirja e saj në mesin e kandidatëve të National AI Awards 2026 përbën një tjetër dëshmi të prezencës së profesionistëve shqiptarë në sektorët më inovativë dhe me zhvillimin më të shpejtë në botë.

Rrugëtimi i Ideja Bajrës është një shembull se si dija shkencore, inovacioni dhe sipërmarrja mund të bashkohen për të krijuar ndikim në teknologjitë e së ardhmes./Albinfo.ch 

---