Haxhiu dhe Kurti bëjnë homazhe te memoriali “Kosova kujton”

Në 25-vjetorin e sulmeve të 11 shtatorit, krerët institucionalë nderuan kujtimin e mijëra viktimave në SHBA

Ushtruesja e Detyrës së Presidentes së Kosovës, Albulena Haxhiu, dhe kryeministri në detyrë, Albin Kurti, kanë bërë homazhe te memoriali “Kosova kujton”, në Prishtinë, kushtuar viktimave të sulmeve terroriste të 11 shtatorit 2001 në Shtetet e Bashkuara të Amerikës, transmeton albinfo.ch.

Haxhiu dhe Kurti nderuan kujtimin e mijëra viktimave në 25-vjetorin e sulmeve që tronditën Shtetet e Bashkuara dhe botën.

Gjatë ditës, homazhe te memoriali “Kosova kujton” pritet të zhvillojnë edhe përfaqësues të Partisë Demokratike të Kosovës (PDK) dhe Aleancës për Ardhmërinë e Kosovës (AAK).

Memoriali “Kosova kujton” është ngritur në Prishtinë si shenjë solidariteti dhe kujtimi për viktimat e sulmeve të 11 shtatorit në SHBA./Albinfo.ch

---