Grupi i çerdheve i refuzon fëmijët e pa vaksinuar në Zvicër

Grupi i çerdheve “Bubble Bees”, që është i pranishëm në pesë lokacione në Zvicër, tani do të pranojë vetëm fëmijët që janë vaksinuar për fruth dhe kollë, sipas “Sonntags Zeitung” dhe “20 Minutes”

Ky grup ka çerdhe në Cyrih, Lenzburg, Schaffhausen, Frauenfeld dhe St. Gallen. 

Zvicra ka parë kohët e fundit një rritje të shpejtë të numrit të rasteve të fruthit. Midis fillimit të vitit dhe 6 majit 2019 ka pasur 166 raste të fruthit, pothuajse tetë herë më shumë në të njëjtën periudhë të vitit 2018. Shkalla e fruthit është rritur nga 2.5 në 19.5 raste për milion banorë, sipas Zyrës Federale të Shëndetit Publik (BAG), përcjell albinfo.ch. 

Drejtori i grupit Nathalie Rehak tha se ata po merrnin gjithnjë e më shumë kërkesa për vende fëmijësh nga prindërit që janë kundër vaksinimit të fëmijëve të tyre, kështu që ata vendosën të sqarojnë rregullat dhe të kontrollojnë certifikatat e vaksinimit si pjesë e procesit të regjistrimit. 

Sipas FOPH kjo praktikë është e ligjshme. Ndryshe nga shkollat dhe kopshtet publike, shumica e çerdheve janë private.  

Ata nuk kanë asnjë detyrim për të marrë fëmijët dhe mund të vendosin të mos marrin fëmijë pa vaksinuar, pa ndonjë justifikim të mëtejshëm. 

---