Goma të dëmtuara tentohet të futen ilegalisht në Gjermani

Keystone

Një ngarkesë prej 1000 goma të veturave u konfiskuan nga dogana afër Weil am Rhein të Gjermanisë. Bazuar në deklarim, ato duhej të vazhdonin të përdoreshin në Gjermani, por sipas zyrtarëve të doganës, nuk janë të mira për t’u përdorur.

Pas verifikimit të dokumenteve të ngarkesës, u bë e qartë që destinacioni në Rhineland – Palatinate nuk kishte qëllim tregtimin, por largimin e tyre.

Nuk është ende e qartë pse kompania zvicerane dëshironte të gjuante mbetjet në anën tjetër të kufirit, e po ashtu mbetet e pasqaruar vlera e tyre. “Vetëm mund të spekuloj për qëllimet e kompanisë zvicerane, nuk dihet nëse i ka sjellë ato goma në Gjermani për t’i gjuajtur apo recikluar”, ka thënë një zyrtar, shkruan 20minuten, përcjell albinfo.ch.

Kompania e mbetjeve të dëmshme në Rhineland-Palatinate ka vendosur të refuzojë ngarkesën dhe i ka kërkuar eksportuesit zviceran t’i kthejë ato.