Kosova
Gjilanasi që kishte ardhur nga Zvicra, rezultoi pozitiv me koronavirus
Zëvendësministri i Shëndetësisë, Izet Sadiku, ka dhënë detaje për një rast që dje rezultoi pozitiv me koronavirus, pasi në konvikte ku ishte i karantinuar i janë paraqitur simptomat.
Sadiku për RTV Dukagjini ka thënë se tashmë një person që ka qenë i karantinuar në Qendrën e Studentëve ka rezultuar pozitiv me Covid-19.
Ai thotë se i njëjti ka ardhur nga Zvicra me një avion, ku ishin edhe 54 udhëtarë të tjerë, përcjell Telegrafi.
“Shenjat këtij qytetari nga Gjilani i janë paraqitur në ditën e shtatë të karantinës”.
Po ashtu, zëvendësministri thotë se personi në fjalë ka qenë në karantinë në një dhomë me një familjar, me të cilin janë kthyer bashkë nga Zvicra dhe sipas bisedave ata nuk kanë kontaktuar me askënd.
Sadiku thotë se ky është rasti i dytë që nga karantina dikush del i infektuar.
“Pas rastit të Ferizajt, sot ky është rasti i dytë që dikush nga karantina del i infektuar. Po të ishte liruar ky pacient në shtëpi, do të kishim shumë më tepër të prekur. Edhe në Ferizaj më nuk ka pasur raste të tjera. Këtu shihet efekti i karantinës”.
Gjithashtu zëvendësministri i Shëndetësisë u ka bërë thirrje edhe të karantinuarve në konvikte që të respektojnë rregullat, pasi mund të rrezikojnë veten dhe të tjerët.
“Në bazë të informacioneve, ka disa të karantinuar që po lëvizin brenda konvikteve duke rrezikuar veten dhe të tjerët”, tha ndër të tjera Izet Sadiku, përcjell albinfo.ch.
E-Diaspora
-
Xhaka-Gjimshiti nesër përballen për trofeun e Europa League Liga e Evropës do të ketë fitues shqiptar. ...
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
Jeta në Austri
-
Vjenë: Droni “kap” 5 shqiptarë që po punonin në të zezë Policia financiare ka kapur pesë punëtorë të paligjshëm në një çati kantieri. Shtetasit shqiptarë ishin fshehur...
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë