Gjermania përsërit se nuk do të dërgojë armë në Ukrainë

Kancelari Olaf Scholz këmbëngul se Gjermania nuk do të dorëzojë asnjë armë në Ukrainë, por para takimit me presidentin amerikan, Joe Biden, ai foli për vendosjen e Bundeswehr-it në shtetet baltike.

“Qeveria federale ka pasur një kurs të qartë për shumë vite, që ne nuk dërgojmë në zonat e krizës dhe se nuk i dërgojmë armë vdekjeprurëse Ukrainës”, tha politikani i SPD-së sot në programin e ARD-së, “Raport nga Berlini”, para se të nisej për vizitën e tij inauguruese te presidenti Biden.

Ai tha se një qëndrim të ngjashëm ka pasur edhe ish-kancelarja Angela Merkel.

“Paraardhësi im mendonte kështu, dhe kjo ishte e saktë. Dhe, kjo qëndron e vërtetë”, tha Scholz duke shtuar se shumica e gjermanëve e shohin atë në të njëjtën mënyrë.

“Ka edhe deklarata të tjera me zë të lartë në publik. Por, obligimi im është të bëj atë që është në interes të popullit gjerman dhe që në këtë rast është edhe pikëpamja e qytetarëve të vendit tonë”, tha ai.