Gjermani: Dy vazja rreth 14 vjeçare dyshohen për vrasjen e 12 vjeçares

Dy fëmijë dyshohen për vrasjen e 12 vjeçares në Freudenberg. Viktima u gjet të dielën dhe u konfirmua se bëhej fjalë për vrasje. Të dyshuarat për vrasjen e 12 vjeçares janë dy vajza të moshës përafërsisht të njëjtë në Siegerland të rajonit të Freudenberg, kanë njoftuar autoritetet gjermane të marte, shkruan DW, përcjellë Albinfo.ch.

Viktima u zhduk të shtunën në mbrëmje derisa kthehej nga shtëpia e një shoqes. Trupi i pajetë i saj u gjet të nesërmen në afërsi të kufirit të Rhineland Palatinate dhe North Rhine-Westphalia.

Të martën, policia e Gjermanisë tha se të dyshuarat ishin të njohura të viktimës dhe kanë folur para autoriteteve për rastin. Autopsia e viktimës tregon se ajo kishte numër të madh të plagëve të shkaktuara me thikë, raporton DW, përcjellë Albinfo.ch.

Sipas ligjeve në Gjermani përgjegjësi penale mbajnë fëmijët e moshës 14 vjeçare dhe meqë dy vajzat janë nën këtë moshë nuk preken nga ligjet në fjalë. Të dyshuarat janë në duar të autoriteteve ka thënë prokurori Mario Mannweiler. Për shkak të moshës detaje të tjera për rastin nuk janë bërë të ditura dhe është njoftuar që ka kaluar në duart e autoriteteve për minoren, shkruan DW, përcjellë Albinfo.ch.