Integrimi
Gjendet Kujtesa 15 vjeçe pas tre muajsh zhdukjeje
Policia e Kantonit të Cyrihut ka kumtuar se vajza e humbur është gjetur në mëngjesin e të dielës shëndosh e mirë në rrugët e qytetit Winterthur të kantonit Cyrih
Më 23 shtator të këtij viti, familjarët e saj e kishin shpallur të zhdukur vajzën 15 vjeçe, Kujtesën, nga Dietlikoni i Cyrihut. Më vonë, në muajin nëntor dyshohej se ajo ishte parë në regjionin e Oltenit.
Ndërkaq sot policia e Kantonit të Cyrihut ka kumtuar se vajza e humbur është gjetur në mëngjesin e të dielës shëndosh e mirë. Pas indikacioneve të dhëna nga qytetarët, ajo është gjetur në rrugët e qytetit Winterthur të kantonit Cyrih.
Në fakt, siç shkruan portali 20minuten.ch ka qenë shoqja e saj 23 vjeçja Alma Kucukovic e cila e ka ndjellë atë në Winterthur, ku e ka njoftuar policinë që ta merrte. Ajo me këtë rast është përballur me mllefin e vajzës e cila e fajësonte për “tradhtinë” që i kishte bërë duke e vënë në kurth.
Policia nuk jep informacione lidhur me motivet e zhdukjes së vajzës, duke respektuar kështu detyrën për mbrojtjen e personalitetit të të miturës, shkruan zuonline.ch.
Ndërkohë portali 20minuten.ch thotë se Kujtesa është gjetur por ajo nuk pranon të kthehet në familjen e saj.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?