FIMM: SVP-UDC-ja të kërkojë falje për slloganet

FIMM, thotë se nuk mjafton distancimi i SVP-UDC-së, por ajo duhet t`u kërkojë falje bashkësive turke, ish-jugosllave etj. në Zvicër

Sloganet e cilësuara si raciste, të publikuara ditë më parë në portalin e seksionit të SVP-UDC-së në Widen kanë ngjallur reagime të shumta. Kështu Forumi për Integrim i Migrantëve (FIMM), që është e organizuar si federatë e organizatave të ndryshme të mihrantëvepërmes një komunikate ka dënuar përmbajtjen e këtyre sloganeve ka kërkuar që si partia në qendër (SVP-UDC) ashtu dhe seksioni i përmendur t`u kërkojnë falje komuniteteve tzurke dhe ish jugosllave.

Siç është njoftuar tashmë, në portalin e përmendur ishin transmetuar slogane fyese ndaj të huajve në përgjithësi dhe ndaj turqve e ish jugosllavëve në veçanti.

“FIMM është e indinjuar thellë me sloganet raciste të portalit të SVP-së në Widen (Aargau). Fakti se në deklarata thuhet se bëhet fjalë për një traktat satirik, e bën problemin edhe më brengosës, sepse SVP-UDC është evidente se nuk është në gjendje të dallojë atë por e ka marrë tekstualisht.

SVP udhëheq prej vitesh një propagandë që kufizohet me racizmin dhe ksenofobinë, kundër migrantëve që jetojnë në Zvicër. Fakti se sloganet aktuale, kuptohen tekstualisht – pavarësisht nëse (sipas SVP-së) përshkruhen si naive – është pasojë e drejtpërdrejtë e kësaj propagande”, thuhet në komunikatën e FIMM.

Më tutje FIMM, thotë se nuk mjafton vetëm distancimi i SVP-UDC-së nga sloganet, por ajo duhet t`u kërkojë falje bashkësive turke, ish-jugosllave dhe të tjera, të huaja në Zvicër.