Lajme
Filloi mësimi i gjuhës shqipe në Parma të Italisë
Dita e parë e shkollës në Parma, viti XII shkollor 2020-2021
Ashtu siç ishte paralajmëruar nga parapërgatitjet mujore, sot në Parma filloi viti i ri shkollor 2020-2021. E veçanta e këtij fillimi ishte mënyra e organizimit për shkak të koronavirusit, shkruan albinfo.ch.
Në pamundësi për të bërë mësim në sallat e dhëna nga Komuna e Parmës për shkak të masave mbrojtëse kundër koronavirusit, fillimi i këtij viti u organizua në ambientet e kompanisë informatike Alba Computer që është edhe adresa zyrtare e shkollës qysh nga themelimi i saj, dymbëdhjetë vjet përpara. Kjo qendër ofron falas të gjitha mjetet teknologjike dhe logjistike për organizimin e mësimit me masat mbrojtëse kundër Covid-19.
Mësimi u zhvillua në dy grupe, ai fillestar ku një pjesë nxënësish ishin në klasë dhe pjesa tjetër online me platformën Zoom dhe më pas me të njëjtën logjikë me grupin e përparuar.
Mësuesit prezantuan secili në mënyrë të shkurtër përmbajtjen e lëndës dhe më pas u zhvillua ora e mësimit me njohuritë e para të abetares për fillestarët, duke shfrytëzuar platformën “School Me”, ofruar falas nga Qendra e Botimeve për Diasporën dhe elemente nga gjuha shqipe për të përparuarit. Nga të gjithë të pranishmit nën drejtimin e mësuesve u këndua himni kombëtar.
Në fund të mësimit u shpërndanë librat për këtë vit shkollor. Për grupin fillestar do të përdoret libri i abetares së autorit Bahri Beci bashkë me fletën e punës të siguruara nga Qendra e Botimeve për Diasporën, ndërsa për grupin e përparuar do të përdoren librat e Gjuhës, Letërsisë, Historisë dhe trevave shqiptare nga Ministria e Arsimit të Kosovës. Krahas këtyre librave, gjatë vitit do të përdoren librat plotësues, si “Tregime të moçme shqiptare”, “Fjalori pamor shqip-italisht” etj., të siguruara nga institucionet e lartpërmendura. Si gjithmonë për ta bërë sa më tërheqës mësimin, kemi edhe lëndën e muzikës, traditave dhe zakoneve bashkë me pikturën që nxënësit jo vetëm mësojnë kulturën shqiptare, por edhe motivohen më shumë për të frekuentuar shkollën. Në bazë të gjendjes që do të jetë gjatë vitit gjithmonë për shkak të koronavirus, do t’u përshtatemi edhe kushteve për zhvillimin e mësimit dhe aktiviteteve të ndryshme. Në fund të mësimit “Forno Giuliano” me sipërmarrës çiftin shqiptar, ofroi një buffet për nxënësit tanë.
Aktualisht mendohet që shkollën në klasë dhe online do ta frekuentojnë rreth 35-40 nxënës. Mirëpresim regjistrime të reja.
Faleminderit të gjithë bashkëpunëtorëve që bënë të mundur mbarëvajtjen e mësimit sot. /Albinfo.ch
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte