FIFA e ka shtyrë vendimin për Kosovën

FIFA e ka shtyrë vendimin për të lejuar ose jo Kosovën të luajë ndeshje miqësore me anëtarët e saj

“Do të mbajmë një takim me federatat e shqetësuara, veçanërisht Serbinë, të premten e ardhshme në Cyrih”, ka theksuar kreu i FIFA-s, Sep Bllater, në Budapest, në kongresin vjetor të federatës.

Komiteti ekzekutiv i FIFA-s, të martën, ka dhënë miratimin për Kosovën, që të luajë ndeshje miqësore me ekipet e saj kombëtare.

Federata serbe e futbollit ka kundërshtuar fuqishëm vendimin, të cilin sekretari i përgjithshëm i FIFA-s e ka cilësuar si mënyrë për të ndihmuar zhvillimin e futbollit.