Integrimi
Fëmijët shqiptarë i falin ngjyrat e tyre festës së pranverës në Cyrih
Valltarët e vegjël të Shkollës Shqiptare të Vallëzimit “Shota” bashkë me moshatarët e tyre të SHKA “Dardania” nga Winterthur-i, hedhin me krenari hapat e tyre rrugëve kryesore të qytetit të Cyrihut. Një djalë dhe një vajzë bartin flamujt, njërin kombëtar e tjetrin të shtetit të Kosovës dhe së bashku me vajzën tjetër që bart pankartën me hartën e Kosovës, i prijnë kolonës prej rreth 50 fëmijëve.
Është mot jo i mirë dhe ka filluar edhe të pikëlojë shi por fëmijët vazhdojnë parakalimin në mesin e mijëra moshatarëve të tyre zviceranë e të huaj të tjerë. Në Cyrih po shënohet festa pagane “Sechseläuten” ndërsa dita e parë e saj i kushtohet parakalimit të fëmijëve. albinfo.ch ishte e pranishme në këtë manifestim. Një det ngjyrash të flamujve dhe kostumeve të larmishme vërshon Cyrihun, ndërsa mijëra qytetarë kureshtarë përshëndesin me buzëqeshje këtë kolonë të pafund.
Agron dhe Lirije Bajrami nga “Shota” mund të quhen tashmë veteranë të këtij parakalimi. „Fëmijët shqiptarë të shkollës së vallëzimit “Shota” kanë marrë pjesë në manifestimin e Cyrihut që nga viti 1997. Një pauzë është bërë vetëm në vitin 1998 për shkak të gjendjes në Kosovë, thotë Bajrami për albinfo.ch.
Këtë vit, krahas valltarëve të vegjël të SHVSH “Shota”, parakaluan edhe ata të SHKA “Dardania”, nën drejtimin e Shefqet Cakollit. Cakolli thotë se “Dardania” deri tash ka marrë pjesë disa herë në këtë manifestim dhe gjithnjë paraqitja e saj ka qenë e mirëpritur nga qytetarët. “Është hera e pestë që prezantohemi në parakalimin e Sechseläuten”, thotë për albinfo.ch, kryetari i SHKA “Dardania”.
Kolona e vogëlushëve shqiptarë ishte ndër më simpatiket në parakalimin e madh. Ajo u përshëndet dhe u ndoq me interes nga qytetarët e shumtë që kishin dalë me gjithë motin me shi. Ata u befasuan nga parakaluesit me bonbonet dhe karamelet që ua dhuronin gjatë parakalimit fëmijët me veshjet e bukura kombëtare shqiptare.
Festa “Sechseläuten” vazhdon sot me parakalimin e të rriturve dhe me pikën kulmore të saj, djegien e dordolecit të punuar nga tekstili, druri dhe dinamiti, të quajtur “Bögg”, shkruan albinfo.ch. Sipas besëtytnisë popullore, në varësi të asaj se a digjet shpejt apo ngadalë, do të marrë edhe moti gjatë verës.
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi