FC Kosova nis sezonin në një ndeshje derbi

FC Kosova takohet sot, në orën 16.00 me ekipin Oerlikon Polizei, i cili është në vendin e dytë, me dy pikë më shumë se ekipi shqiptar

Klubi futbollistik shqiptar „Fc Kosova”, nis sot zyrtarisht sezonin pranveror me synimin të kalojë një ligë më lartë, perkatësisht në ligën e parë ndër regjionale të Zvicrës.

Djelmoshat e FC Kosovës do të takohen sot në një ndeshje të vlerësuar derbi me ekipin Oerlikon Polizei, i cili është në vendin e dytë me dy pikë më shumë se ekipi shqiptar në tabelë.

Tranjeri, Enver Osmani, ka thënë për albinfo.ch se ekipi i tij po fillon stinorin mjaft i përgatitur .

„Në aspektin kualitativ jemi mirë, dhe klubi ka bërë investime për të arritur synimet e përbashkëta për tu ngjitur një ligë më lartë”, ka thënë Osmani. Sa i përket lojtarëve nuk ka ndonjë ndryshim të formacionit të FC Kosova.

„Mbrojtësi  qendror, Visar Syla për shkak të lëndimeve do të mungojë ndërsa atë do ta zëvendësojë Islam Leskovci”, ka bërë të ditur tranjeri Osmani.

Aktualisht, „FC Kosova” radhitet në vendin e katërt në tabelë, me  dy pikë më pak se lideri i grupit „Red Star” që e ka vendin e parë si kampion vjeshtor.

Ftohen të gjithë  adhuruesit të „FC Kosova” që të vijnë të gjithë në këtë ndeshje derbi mjaftë të rëndësishme për klubin.

Takimi FC Kosova- Oerlikon Polizei nis sot, nëorën 16.00 në fushën e futbollit në Oerlikon (afër Hallenbad).