Familja shqiptare e tronditur nga vdekja e djalit 15-vjeçar

Që nga vdekja e të riut, shumë anëtarë të komunitetit shqiptar kanë ardhur te shtëpia e prindërve për t’i shprehur ngushëllime

Foto: Montrealgazette

15-vjeçari shqiptar që godit me thikë për vdekje gjatë fundjavës ishte një anëtar shumë i dashur i komunitetit shqiptar në Montreal të Kanadasë. Ai ishte fëmija i vetëm i prindërve të cilët kishin emigruar në Kanada, para më shumë se 13 vjet për të ndërtuar një jetë më të mirë, shkruan ‘montrealgazette.com’.

Që nga vdekja e të riut, shumë anëtarë të komunitetit shqiptar kanë ardhur te shtëpia e prindërve për t’i shprehur ngushëllime, përcjell albinfo.ch.

“I gjithë komuniteti ka qenë i pritur. Shqiptarët shkojnë te familja e tyre për t’i shprehur ngushëllime dhe t’i shprehin atyre mbështetje”, thotë Anila Erindi Kati, presidente e Shoqatës Kulturore Shqiptare në Montreal.

Lajmi i vdekjes së papritur bëri bujë edhe në mediat në Shqipëri, thotë Kati.

Ajo ka shtuar se anëtarët e Komunitetit shqiptar në Evropë të cilët kanë afërm në Montreal, duan të kontribuojnë financiarisht për të paguar për funeralin e të riut. Shoqata ka nisur një fushatë ‘online’ për mbledhjen e fondeve për të mbuluar shpenzimet e varrimit të familjes dhe shpenzimet e tjera.

“Prindërit po përmendin emrin e tij pa pushim, derisa kanë kujtuar se ai ishte nxënës i shkëlqyeshëm në shkollë. Ata u përpoqën për të ndihmuar në çdo mënyrë djalin e tyre. Kjo ishte një goditje e tmerrshme për komunitetin shqiptar”, ka shtuar ajo.

15-vjeçari ishte në një ndejë derisa ka shkëmbyer fjalë me një 16-vjeçar për një vajzë. Policia ka arrestuar të riun 16-vjeçar. Ai u akuzua për vrasje të shkallës së dytë. Detajet e varrimit ende nuk janë finalizuar.