Escobari, zyrtarisht përfaqësues i SHBA-së për Ballkanin Perëndimor

Gabriel Escobar është njeriu i Shteteve të Bashkuara të Amerikës që ka në supe Ballkanin Perëndimor, përcjell albinfo.ch.

Thuhet se ai deri tash ka qenë ushtrues detyre i përfaqësuesit special për Ballkanin Perëndimor, por sot veçse ka marrë zyrtarisht të gjitha përgjegjësitë për këtë pjesë, raporton “Zëri”.

Në njoftimin e Departamentit të Shtetit për Evropë dhe Euroazi, thuhet se Escobari “po punon në dialogun Kosovë – Serbi, që po lehtësohet nga BE-ja, sigurimin për anëtarësimin rajonal (Ballkanin Perëndimor) në BE dhe presionin e udhëheqësve të Bosnjës për të çuar përpara reformën dhe respektimin e sovranitetit/integritetit territorial të Bosnjë e Hercegovinës.

Deri tash Gabriel Escobar është angazhuar prej afër në dialogun mes Kosovës dhe Serbisë, për të sjellë stabilitet. Ai ka qenë i angazhuar në takimet pas situatës së krijuar me reciprocitetin e targave mes Kosovës dhe Serbisë.