Ekspozitë në Braunschweig, identiteti dhe arti kosovar në skenën gjermane

Arti bashkëkohor i Kosovës prezantohet në Gjermani

Në qytetin Braunschweig të Gjermanisë po hapet një ekspozitë e veçantë që sjell në skenë krijimtarinë bashkëkohore nga artistët e rinj të Kosovës, shkruan albinfo.ch.

Me titullin “But you, yourself, with your own hand must open this door”, ekspozita paraqet një udhëtim artistik që eksploron identitetin, përkatësinë dhe historinë personale.

Kjo ngjarje kulturore organizohet me pjesëmarrjen e artistëve:

Edona Ademi, Djellza Azemi, Anjesa Dellova, Enver Hadzijaj, Blerta Haziraj, Brilant Milazimi, Leart Rama, Abi Shehu dhe Dardan Zhegrova, krijues të rinj që po shënojnë sukses në skenën ndërkombëtare të artit.

Hapja zyrtare e ekspozitës do të bëhet më 05 dhjetor 2025, ora 19:00, në Kunstverein Braunschweig, Gjermani

Vlen të theksohet se ekspozita do të jetë e hapur deri më 22 shkurt 2026

Ambasadori i Kosovës në Gjermani, Faruk Ajeti, është shprehur me entuziazëm për këtë prezantim të artistëve tanë në një nga institucionet prestigjioze të artit në Gjermani, duke theksuar rëndësinë e promovimit të kulturës dhe kreativitetit të rinisë kosovare në arenën evropiane.

Ekspozita premton një përvojë të thellë vizuale dhe reflektive për të gjithë vizitorët, duke sjellë në një hapësirë të përbashkët historitë personale dhe kolektive të krijuesve të rinj që sfidojnë kufijtë e shprehjes artistike./Albinfo.ch

---