Integrimi
Pepshi: Kush thotë se vajzat e bukura “nuk janë për politikë”?
Kandidimit të Kështjella Pepshit për Parlamentin Nacional të Zvicrës, si pjesë e listës së CVP-së, i është bërë jehonë e madhe në mediet zvicerane të ditëve të fundit. Përveç faktit se ajo është një “seconda” (prejardhje të huaj), kandidimin e Kështjellës e bën interesant edhe karriera e saj e deritashme si modele dhe mis i Kosovës.
Ndër mediet që janë marrë gjerësisht me këtë kandidim është edhe gazeta “Bund” e Bernës.
Kështjella Pepshi është një e re që jeton ne Heimberg të Zvicrës, kantoni i Bernës. Ajo është me prejardhje nga Kosova dhe garon në Listën e CVP-së për Parlamentin zviceran, shkruan gazeta në fjalë
Kështjella thotë se “ndoshta nuk kam ndonjë njohuri të thellë politike, mirëpo e përgatitur jam, sepse jam rritur në një familje që është marrë me politikë”.
Për Kështjellën dhe kandidimin e saj nga partia CVP, gazeta ka marrë edhe mendimin e presidentes së CVP-së së kantonit të Bernës, Alexandra Perina, e cila thotë se, si Pepshi ashtu edhe të rejat tjera, do të ishte mirë që të kandidojnë edhe më shumë për Parlament, pse jo?
Sipas një gazete tjetër (NZZ) e cila ka shkruar një ditë më parë, Kështjella thotë që është naivitet të mendohet se femrat e bukura nuk janë inteligjente. Përkundrazi, bukuria gërshetohet edhe me mençuri.
Pyetjes përse ka zgjedhur CVP-në, Pepshi i përgjigjet me atë se i pëlqen programi i kësaj partie sepse është program familjar qe për të është mjaft domethënëse.
Kështjella është spontane dhe e hapur , ka një vetëbesim te plotë, ka forcë dhe është luftëtare, thotë Këshilltari komunal i Ostemundigen-it dhe njëherësh anëtar i kryesisë së CVP për kantonin e Bernës, Synes Enest. Ndërsa deputeti i kantonit Bernë dhe këshilltar i komunës, Reto Nause si dhe sekretarja gjenerale e CVP-së Beatrice Wertli thonë se janë krenarë kur shohin se me çfarë elani, e ka filluar Pepshi këtë betejë. “Dhe jemi të sigurte se rezultatet e Pepshit do të jenë të suksesshme”.
Gazeta përkujton po ashtu faktin se një fitore në garat për parlamentin nacional është vështirë e realizueshme, kur dihet se në kantonin ku garon Pepshi partia CVP nuk është aq e fuqishme. Ajo ka pasur vetëm një deputet në parlamentin e Zvicrës ndërsa aktualisht nuk ka asnjë. Veç kësaj, krahas Kështjellës, për një vend në parlament kandidojnë edhe dy personalitete ë larta të kësaj partie nga ky kanton.
Megjithëkëtë sipas Pepshit cilido që të jetë rezultati pra edhe në rast humbjeje, kjo nuk do të jetë fund i botës. Kryesore unë duhet ta bëj punën time me seriozitet dhe fisnikëri në mënyrë që partia jonë, CVP të dalë parti fituese ne garën e madhe të tetorit.
Krahas medieve zvicerane, për Kështjella Pepshin si modeliste dhe si politikane e re ka shkruar disa herë edhe albinfo.ch.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit