Feja
Don Marjan Marku u zgjodh si kanoniku i parë i huaj në Kishën Zvicerane
Është rasti i parë në Ipeshkvinë e St.Gallenit dhe sipas të gjitha gjasave edhe në Zvicër që një personalitet me prejardhje të huaj të zgjidhet në një post të tillë
Me një meshë madhështore të zhvilluar në Katedralen e St.Gallenit, pak minuta më parë është zhvilluar ceremonia kishtare e kanonizimit të Don Marjan Markut, famullitarit shqiptar që udhëheq një bashkësi famullitare në Zvicër.
Kanonizimin e ka bërë ipeshkvi i St.Gallenit, Markus Büchel.
Është rasti i parë në Ipeshkvinë e St.Gallenit dhe sipas të gjitha gjasave edhe në Zvicër që një personalitet me prejardhje të huaj të zgjidhet në një post të tillë, shkruan albinfo.ch.
Kapitulli i Katedrales së Ipeshkvisë së St.Gallenit përbëhet nga pesë kanonikë rezidencialë, të cilët veprojnë si këshilltarë dhe bashkëpunëtorë të ipeshkvit në ordinariat ose në qytetin e St.Gallenit dhe nga tetë kanonikë jorezidentë, të cilët veprojnë si famullitarë në terren të ipeshkvisë, që quhen ndryshe kanonikë ruralë.
Më 6 nëntor kanonikët kanë zgjedhur famullitarin e njësisë pastorale Walensee për kanonik rural. Me këtë zgjedhje, komiteti prej 13 anëtarësh është sërish i kompletuar.
Në solemnitetin që u përshkua nga një prani e madhe shqiptare, morën pjesë edhe një numër priftërinjsh shqiptarë të ardhur enkas nga Ipeshkvia e Kosovës dhe nga misionet katolike shqiptare të Zvicrës.
Po ashtu pjesë e solemnitetit ishte Ansambli “Arbëresha” nga Sirnach-u dhe kori i Misionit Katolik Shqiptar të Zvicrës.
albinfo.ch sjell nesër një shkrim më të zgjeruar nga solemniteti, me deklarime të pjesëmarrësve dhe me një intervistë të Don Marjan Markut.
E-Diaspora
-
Shqiptarja e veshur me xhubletë diplomon në Universitetin prestigjioz në SHBA Mary Camaj në ditën e saj të diplomimit ka veshur xhubletën, duke marrë kështu pjesë në...
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë