Dior Pirku, fëmija i parë i vitit 2017 në Winterthur

Të dielën, më 1 janar rreth orës 1 të pas mesnatës erdhi në jetë djali i Ardita dhe Shkelzen Pirkut, Diori në Spitalin Kantonal të Winterthurit. Ai është foshnja e parë në këtë qytet për vitin 2017.

Në vend se të cakërronin gotat për Vitin e Ri në ngrohtësinë e dhomës, Ardita dhe Shkëlzen Pirku, natën e festës e kaluan në maternitet. I biri i tyre, Diori, ishte fioshnja e parë që erdhi në jetë në vitin 2017 në Winterthur.

Ardita dhe Shkelzeni janë njohur para tri vitesh, kur Shkezeni ishte për pushime në Kosovë, shkruan revista javore e qytetit, Stadi. Vitin e kaluar Ardita 25 vjeçe erdhi në Winterthur nga Kosova, te bashkëshorti i saj Shkelzeni i cili ishte rritur në Zvicër.

Për martesën me Shkelzenin dhe për të pasur një fëmijë të përbashkët, Arlinda kishte ndërprerë studimet e mësuesisë.

Të dielën, më 1 janar rreth orës 1 të pas mesnatës erdhi në jetë djali i tyre Diori në Spitalin Kantonal të Winterthurit, përcjell albinfo.ch. Ai është foshnja e parë në këtë qytet për vitin 2017.

Ardita thotë se e kishte ndjerë edhe para se t`i tregonin mjekët, se fëmija që do të lindte ishte djalë. Por gjinia e fëmijës nuk luan rol për dy prindërit e rinj. As lidhur me emrin ata nuk kishin pasur dilema. Ardita e kishte parë në ëndërr vogëlushin e saj dhe e kishte quajtur Dior. Kështu edhe mbeti.

Ardita dhe Shkelzeni thonë se janë të vetëdijshëm për shtimin e detyrimeve si prindër të rinj por besojnë se janë të përgatitur.

Diori i vogël do të rritet me dygjuhësi, ai do të mësojë të flasë shqip dhe gjermanisht, përcjell albinfo.ch. “Për ne është me rëndësi që ai kur të fillojë kopshtin e fëmijëve të mund të komunikojë me shokët e tij dhe të jetë i integruar. Por nga ana tjetër ai duhet të jetë në gjendje të komunikojë edhe me familjarët e tij në Kosovë. Për këtë arsye ne do t`ia mësojmë atij të dy gjuhët”, thotë Shkelzeni. Ai thotë se integrimi ka qenë pikë e fortë edhe në familjen e prindërve të tij. Ata e kanë mësuar  shumë shpejt gjuhën dhe janë integruar në shoqërinë e re, duke ua përcjellë këto vlera edhe fëmijëve.