Digjet autobusi nga Maqedonia, shpëtojnë të gjithë udhëtarët

Kur policët deshën të ndalonin autobusin ata vunë re shkëndijat që dilnin nga vendi ku ndodhet motori. Kur ata e hapën kapakun prej autobusit dolën flakë të larta mbi një metër

Foto ilustrim

Në pikën e kontrollit të Policisë Federale në autostradën A8 pranë Walsberg-ut ka shpërthyer në flakë një autobus udhëtarësh nga Maqedonia. Që të gjithë, 52 udhëtarët kanë shpëtuar nga zjarri. Nuk ka asnjë të lënduar por janë shkaktuar dëme të mëdha materiale, shkruan bayerischerrundfunk.de.

Kur policët deshën të ndalonin autobusin ata vunë re shkëndijat që dilnin nga vendi ku ndodhet motori. Kur ata e hapën kapakun prej autobusit  dolën flakë të larta mbi një metër, transmeton albinfo.ch.

Njësitet zjarrfikëse nga lokalitetet Marzoll, Bad Reichenhall dhe Piding u mobilizuan me rreth 45 zjarrfikës por ata nuk mundën ta ndalonin djegien e plotë të autobusit. Zjarrfikësit e kanë bllokuar kalimin e automjeteve në pjesën e prekur të autostradës. Është bllokuar për disa orë edhe vendkalimi kufitar. Nga shkaku i temperaturave të ulëta është ngrirë edhe uji i dedikuar për shuarje të zjarrit.

Autobusi me 52 udhëtarë po qarkullonte nga Maqedonia në drejtim të Dortmundit, Gjermani, përcjell albinfo.chPolicia i ka vendosur përkohësisht udhëtarët në një kamp azili afër, ku ata kanë pritur deri në ardhjen e autobusit rezervë.

Dëmet e shkaktuara llogariten rreth 100 mijë euro.