Lajme
Diaspora dërgoi më shumë se 13 miliardë euro në Kosovë që nga paslufta
Njohës të ekonomisë vlerësojnë se të hyrat nga diaspora janë arteria kryesore e zhvillimit ekonomik në vend.
Vlera e remitancave deri në pesë mujorin e parë të këtij viti ka arritur 445.4 milionë euro dhe është pothuajse e njëjtë me vlerën e remitancave të së njëjtës periudhë të vitit kaluar.
Ndërkaq, sipas Bankës Botërore, që nga shpallja e pavarësisë, në Kosovë, diaspora jonë ka dërguar më shumë 13 miliardë euro.
Edhe përkundër inflacionit në nivel global, diaspora vazhdon të kontribuojë me dërgimin e parave për familjet e tyre në Kosovë. Të dhënat e Bankës Qendrore të Kosovë tregojnë se në pesë mujorin e vitit 2022, diaspora ka dërguar 445.4 milionë euro. Këtë e bëri të ditur në një përgjigje për Radio Kosovën zëdhënësi i Bankës Qendrore të Kosovë, Kushtrim Ahmeti.
“Ju njoftoj se vlera e remitancave deri në muajin maj të këtij viti, ishte 445.4 milionë euro. Kjo shumë është pothuajse e njëjtë me vlerën e remitancave në të njëjtën periudhë të vitit kaluar”, tha ai për rtk, transmeton Albinfo.ch.
Ndërsa, njohës të ekonomisë vlerësojnë se të hyrat nga diaspora janë të hyrat kryesore për zhvillimin ekonomik të vendit. Se remitancat janë arteria kryesore e ekonomisë në vend e thotë në një përgjigje për Radio Kosovën eksperti i ekonomisë, Safet Gërxhaliu. Mirëpo ai thekson se këtë vit, të hyrat nga diaspora janë pak më të ulëta si pasojë e inflacionit.
“Ajo çka është me shqetësuese përveç inflacionit dhe trendëve negativë, është fakti që po vërehet që edhe fluksi i diasporës i kësaj vere nuk është ai i nivelit të vitit të kaluar. Kjo është shqetësuese pasi e dimë që infuzioni apo arteria kryesore e zhvillimit ekonomik dhe qëndrueshmërisë ekonomike dhe sociale ka qenë diaspora”, shtoi Gërxhaliu.
Për sa i përket dërgesave të mërgatës sipas vendeve, Gjermania është shteti prej nga më së shumti dërgohen para në drejtim të Kosovës. Ndërsa, Banka Botërore thotë se që nga shpallja e pavarësisë, në Kosovë janë dërguar mbi 13 miliardë euro.
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?