Detaje të reja për aksidentin në Thüringen

Screenshot mdr

Në Thüringen shtatë persona kanë humbur jetën në një aksident të rëndë trafiku të dielën. Tre të tjerë u plagosën rëndë. Mes viktimave janë pesë 19-vjeçarë që u dogjën në makinën e tyre. Përveç adoleshentëve në Mercedes, ka humbur jetën edhe drejtuesi 60-vjeçar i VW-së dhe një udhëtar i BMW-së. Sipas gjetjeve të fundit, personi që shkaktoi aksidentin i ka shpëtuar përplasjes, shkruan Bild, përcjell albinfo.ch.

Siç njoftoi policia në Nordhausen, duke iu referuar rezultateve të para të hetimeve, një 45-vjeçar ishte futur në trafik në drejtim të kundërt me makinën e tij dhe u përplas me dy automjete që vinin përballë. “Nuk përjashtohet konsumimi i alkoolit” për mashkullin. Prandaj është urdhëruar marrja e mostrës së gjakut, thanë zyrtarët. Ai gjithashtu “nuk kishte patentë shoferi”, shkruan Bild, përcjell albinfo.ch.

Steven Dierbach, komandanti i brigadës së zjarrfikësve nga Bad Langensalza, ishte një nga të parët që mbërriti në vendin e aksidentit. “Na u paraqit një fotografi që askush nuk mund ta shprehte me fjalë – një skenar horror”, tha 40-vjeçari për “Bild”, përcjell albinfo.ch.