Kosova

Dëmtohet stema e flamurit të Kosovës në Zagreb, reagon deputetja Ermina Lekaj-Përlaskaj

Në ambasadën e Kosovës në Zagreb, persona të panjohur kanë dëmtuar plakatën me stemën e flamurit të Kosovës.

Ata kanë vendosur një stiker me inicialet SRB dhe flamurin serb. Ky akt u përcoll me reagimin e deputetes shqiptare në Kroaci, Ermina Lekaj-Përlaskaj.

“Incidenti i sotëm në Zagreb është i papranueshëm dhe nxit pakënaqësi të madhe. Pres dhe shpresoj që të gjithë qytetarët, përfshirë pjesëtarët e pakicës serbe në Republikën e Kroacisë, do të distancohen nga ky incident. Është e qartë se ky incident synon të krijojë trazira në të gjithë rajonin, duke nxitur provokime dhe duke përhapur panik pas ngjarjeve të fundit”, ka shkruar në llogarinë e saj Lekaj-Përlaskaj.