Definitive: Frëngjishtja nuk guxon të hiqet nga programet e shkollave

Përfundimisht në mbledhjen e mbajtur sot në Bazel, drejtorët arsimorë të të gjithë kantoneve kanë arritur pajtimin që gjithçka të mbetet me të vjetrën

Ka një kohë jo të shkurtë që kjo temë ka nxehur gjakrat në të dyja anët e Zvicrës; në pjesën gjermanofone ku tendencat për heqjen dorë nga mësimi i frëngjishtes janë më të forta, dhe në pjesën frankofone, që i sheh si shprehje arrogance këto tendenca. Disa kantone patën vendosur dhe disa të tjera ishin në rrugë e sipër për ta realizuar këtë qëllim.

Përfundimisht në mbledhjen e mbajtur sot në Bazel, drejtorët arsimorë të të gjithë kantoneve kanë arritur pajtimin që gjithçka të mbetet me të vjetrën. Konferenca u apelon drejtorëve kantonalë që të kontribuojnë në gjetjen e një zgjidhjeje për lëndën e gjuhës së dytë. Në një vend shumëgjuhësh nuk bën të diskriminohet njëra gjuhë, është thënë në konferencë.

Në konferencë ka marrë pjesë edhe ministri Berset i cili mbulon arsimin. Ai me këtë rast ka tërhequr vërejtjen kundër heqje së gjuhës frënge pasi që përmes kësaj do të dobësohej përbashkësia e Zvicrës shumëgjuhësore.