Çfarë diskutuan Lajçak e Escobar me kryekëshilltarët nga Franca e Gjermania?

Pas akteve terroriste ndaj Policisë së Kosovës në veri, i dërguari i Bashkimit Evropian për dialogun Kosovë – Serbi, Miroslav Lajçak në Bruksel është takuar me emisarin amerikan për Ballkanin Perëndimor, Gabriel Escobar, si dhe me kryekëshiltarët diplomatikë nga Gjermania e Franca, Emmanuel Bonne, Jens Plötner.

Ky takim i cili ishte thirrur urgjent, temë kishte hapat e mëtutjeshëm të zbatimit të marrëveshjes në mes Kosovës dhe Serbisë, pasi situata në veri vazhdon të mbetet e tensionuar.

”Konsultime intensive dhe shumë thelbësore me kryekëshilltarët diplomatikë Bonne, Plötner, Talo dhe DAS Escobar. Diskutuam hapat e ardhshëm në zbatimin e Marrëveshjes për rrugën drejt normalizimit dhe situatën në veri të Kosovës. Faleminderit për mbështetjen e plotë”, ka shkruar Lajçak në Twitter.