Kosova
BQK dezinfekton të gjitha paratë e gatshme
Guvernatori i Bankës Qendrore të Kosovës, Fehmi Mehemti, ka njoftuar se ky institucion ka filluar t’i dezinfektojë të gjitha paratë e gatshme që gjenden në tregun e vendit.
Mehmeti kërkon nga qytetarët që të shfrytëzojnë sa më shumë format e tjera të pagesave.
“BQK-ja ka filluar me dezinfektimin e rregullt të të gjitha parave, me të cilat e furnizon tregun, si masë mbrojtëse për shfrytëzuesit e parave të gatshme”, ka njoftuar Mehmeti, shkruajnë mediat shqiptare, përcjell albinfo.ch.
Ai gjatë një konference për medie ka kërkuar nga qytetarët që të shfrytëzojnë sa më shumë format e tjera të pagesave, në mënyrë që të evitohet përhapja e virusit.
“Duke e pasur parasysh se paratë kanë qarkullim të shumëfishtë nga momenti i parë që dalin nga banka, ne i lusim qytetarët që t’i respektojnë me përpikëri udhëzimet e higjienës, që janë lëshuar nga institucionet shëndetësore pas çdo transaksioni me para të gatshme apo me kartelë. Qytetarëve tanë u bëjmë thirrje që të evitojnë sa më shumë përdorimin e parave të gatshme dhe të përdorin sa më tepër kartelat bankare dhe mënyrat e tjera elektronike të pagesave”, ka kërkuar ai.
Po ashtu, Mehmeti ka thënë se kjo pandemi do të ndikojë në rënien ekonomike të vendit deri në minus 4 për qind.
Ekonomia në Kosovë do të ketë rënie të rritjes reale ekonomike nga minus 2 deri në minus 4 për qind. Do të vazhdojmë të qëndrojmë nga afër për të kontribuar në shërbimet e ekonomisë”, u shpreh Mehmeti.
Autoritetet në Kosovë kanë shpallur gjendje emergjente për shëndetin publik, me qëllim të parandalimit të përhapjes së kësaj sëmundjeje.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?