Boll më me shi

Zviceranët janë ngopur nga koha e keqe me shi

Për shkak të kohës së mirë në pranverë dhe kampionatit botëror të futbollit, shumë zviceranë kanë parapëlqyer që verës të qëndrojnë në shtëpi. Mirëpo tani që shiu nuk ka të sosur, zviceranët duan vetëm një gjë- të ikin në vende ku dielli mund ti ngroh.

Nga vranësirat e dendura që kanë mbuluar vendin me të reshura e vërshime të shpeshta, koha e mirë gjatë kësaj vere thuasje nuk është parë. Ndryshe nuk është as tani që po lexoni këte shkrim dhe nuk do te jetë as nesër e pasnesër.

Me këtë kohë të vranët e me shi, vera kushtimisht ka rënë në ujë.

Tani që jemi në mesin e muajit gusht, duket që për rreze të ngrohta dielli në Zvicër nuk ka mbetur edhe aq shumë kohë, . Prandaj, një numër i madh i zviceranëve duan ta kapin diellin e këtij viti në vjeshtë përmes ikjes nga Zvicra.

Destinacionet më të preferuara për ta, janë Deti Mesdhe dhe ishujtë e Spanjës, tha sot në një njoftim për media presidenti i Shoqatës Turistike të Zvicrës (SRV), Walter Kunz.

Kjo shoqatë i  sugjeronë pushuesve që rezervimet turisitike për vjeshtë ti bëjnë tani.

Qysh nga korriku shumë agjenci turistike i kanë ofruar pushuesve paketa të lira turistike të njohura si „Last-Minute“ oferta.

B.Dalipi