Lajme
Bllokohet Beogradi nga studentët, sot protesta masive
Vala e protestave në Serbi vazhdon
Studentët ngritën tenda dhe bllokuan rrugët pranë ndërtesave të ndryshme qeveritare në kryeqytetin serb. Akuzat për manipulim përfshijnë ndërhyrje të paligjshme në regjistrat e votuesve, duke shënuar votimin e njerëzve që, në fakt, kanë vdekur si dhe për sjelljen e votuesve nga Kosova në Beograd. Këto akuza janë mohuar nga autoritetet vendase, përcjell albinfo.ch.
Nëpërmjet protestës ata kanë kërkuar nga autoritetet që të lejojnë hapjen e listës së votuesve.
“Shpresojmë që t’i dërgojmë një mesazh qeverisë se është e nevojshme që ata të dëgjojnë të rinjtë”, tha studentja Ela Zekoviç, e ulur në trotuar. Studenti Milan Bjelanoviӏ tha se mesazhi i dërguar përmes këtij veprimi është për të treguar qëllimet e tyre jo të dhunshme dhe synon të tërheqë vëmendjen për “çfarë ndodhi në të vërtetë ditën e zgjedhjeve”.
Udhëheqësi i opozitës, Dragan Djilas, u tha gazetarëve se një protestë e madhe ishte planifikuar për të shtunën, më 30 dhjetor. Ai akuzoi qeverinë se planifikon të përdorë dhunën duke sjellë në kryeqytet përkrahës të saj dhe huliganët e futbollit.
Serbia kundër dhunës ka organizuar protesta të përditshme për rezultatet e zgjedhjeve para komisionit zgjedhor. Mbrëmjen e së dielës (24 dhjetor) protesta u bë e dhunshme dhe 38 persona u ndaluan nga policia.
Studentët shpresojnë që t’i bashkohen protestës së paralajmëruar për të shtunën edhe përfaqësuesit e “ProGlas”, nismë e filluar para zgjedhjeve, e nënshkruar nga më shumë se 190 mijë qytetarë.
Dyshime për parregullsi në procesin zgjedhor shprehu edhe Zyra e OSBE-së për Institucione Demokratike dhe të Drejtat e Njeriut (ODIHR), e cila më 18 dhjetor njoftoi se zgjedhjet u shënuan me parregullsi të mëdha, keqpërdorim të fondeve publike, dominim mediatik nga presidenti Aleksandar Vuçiç, fushatë negative dhe përhapje të frikës.
Gjithashtu, një pjesë e eurodeputetëve kërkuan një hetim të pavarur të të gjitha parregullsive të raportuara gjatë zgjedhjeve të mbajtura në Serbi më 17 dhjetor. Shtetet e Bashkuara të Amerikës u bënë thirrje gjithashtu autoriteteve në Serbi që të hetojnë pretendimet e vëzhguesve ndërkombëtarë.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte